Espazo Maker Sofía Casanova

Co gallo da celebración do Samaín, o equipo de dinamización lingüística achegouse ao espazo maker para crear coa impresora 3D uns orixinais marcapáxinas para premiar a todo o alumnado participante nas actividades da festividade (concurso literario, decoración de cabazas…).  Para todo aquel que queira sumarse á moda e facer o seu propio marcapáxinas inspirado no Samaín, pode atopar o arquivo do deseño na seguinte ligazón: https://www.thingiverse.com/thing:1082544

Durante o mes de outubro os alumnos de 1º de bacharelato de Tecnoloxía Industrial e os alumnos de 2º de bacharelato de Electrotecnia e Tecnoloxía Industrial estiveron a construír no Espazo Maker uns prototipos dun trebuchet para concursar na Escola Politécnica Superior de Ferrol xunto aos alumnos da universidade.  Os alumnos fixeron uso tanto de ferramentas e máquinas de taller como da máquina de coser ou a impresora 3D      Os resultados foron moi bos. Os alumnos deixaron ao centro nun bo lugar. Parabéns!!

Dende o departamento de tecnoloxía achegáronse ao Espazo Maker para imprimir un novo prototipo. Neste caso trátase dunha carcasa personalizada para as Raspberry Pi do instituto e este foi o resultado final:

Durante as últimas semanas de curso o alumnado de 1º Bach. da materia de Tecnoloxía Industrial I achegouse ao Espazo Maker para traballar con Arduino e a súa programación. Como regalo, deixáronos a seguinte creación:

Como broche final da materia de Ámbito científico e matemático do grupo de 3º ESO D de PMAR, preparouse, coa colaboración do Espazo Maker, un escape room no que o alumnado puido poñer a proba todo o aprendido durante este curso:

O alumnado de PMAR de 3º ESO D estivo a traballar esta semana na materia de Ámbito científico e matemático con ferramentas básicas de deseño 3D como o Tinkercad . Grazas ao uso desta aplicación e aos seus coñecementos de xeometría puideron deseñar os seus propios chaveiros. E non dubidaron en achegarse ao Espazo Maker para poder imprimir os prototipos dos seus deseños:

Dende o Club de Ciencia do IES Sofía Casanova, organizouse un Escape Room como actividade final para o alumnado, empregándose o Espazo Maker para a elaboración de parte do material necesario. Aquí tendes algunhas imaxes da "Expedición a Venus", que como non podía ser doutro xeito, rematou co lonzamento do cohete.

Hoxe queriamos compartir a evolución do noso Espazo Maker ao longo deste curso. Poder construír e acondicionar un espazo para as necesidades dun proxecto coma este non é doado, pero grazas ao esforzo e á colaboración de profesorado e alumnado temos un lugar onde aprender facendo. Visto en perspectiva a través das seguintes fotografías aínda cobra máis importancia a labor lavada a cabo por todas e todos. Millóns de grazas a toda a xente que colaborou, a construción deste espazo é o maior proxecto maker levado a cabo este ano!!

Dous estudantes da materia de Anatomía de 1º Bacharelato decidiron achegarse ao Espazo Maker para realizar un traballo relacionado co funcionamento dos marcapasos. Entre a diversidade de material que levaron a cabo atópase un modelo 3D dun corazón, unha excéntrica conectada a un motor eléctrico que simula o movemento dun corazón ou a programación dunha placa de Arduino para que puidese emitir os mesmos impulsos que un marcapasos:

O pasado martes 28 de maio, o Grupo de Teatro do IES Sofía Casanova representou: Unha praza un banco e dous casorios,  baseada en sainetes de José Cedena, e baixo a dirección de José Luis Paz. Para complementar a filmación da súa obra, empregaron o equipamento audivisual do Espazo Maker. No seguinte vídeo podedes ver o resultado:

Durante este curso académico o Espazo Maker colaborou co proxecto Hospital de Robots no que participa o noso centro. O noso Espazo foi empregado tanto polo Club de Ciencia como polo alumnado da materia de Robótica para levar a cabo deseños como algúns dos que podedes ver a continuación:

O alumnado da materia TIC I de 1º Bacharelato realizou unha práctica complementaria ás de deseño 3D, na que empregaron o escáner 3D do Espazo Maker para experimentar outro xeito de acadar modelos en tres dimensións. Aquí tendes unha previsualización dalgúns dos modelos que conseguiron:

O 4 de maio tivo lugar o XXIV Día da ciencia na rúa en A Coruña. O Club de Ciencias do IES Sofía Casanova non perdeu a oportunidade de presentar algúns dos proxectos levados a cabo durante este curso, algúns deles elaborados coa colaboración do Espazo Maker como unhas curiosas ilusións ópticas en 3D, os robots do Hospital de Robots, etc.

No marco da materia de Tecnoloxía Industrial I de 1º Bacharelato, un grupo de alumnas e alumnos construiron este modelo de engrenaxes que permite xogar con diferentes combinacións e apreciar os efectos na transmisión do movemento que se producen. O arquivo orixinal do deseño 3D atopárono na web thingiverse e podédelo atopar neste enlace . Este foi o seu resultado final:

Novamente, o noso Club de Ciencia saca partido ao Espazo Maker, esta vez dentro do proxecto científico preparado para a súa participación na First Lego League. A temática elixida é a ecoloxía espacial e para ilustrar o seu proxecto, decidiron construír unha maqueta dun compostador que puidera traballar nas condicións que se darían nunha viaxe espacial. Como podedes ver nas seguintes fotografías, non lle falta detalle ao compostador que construíron:

Dende o coro do noso centro propuxéronos ao Espazo Maker poder colaborar con eles na creación de pequenos materias para a súa financiación. E velaquí unha das primeiras ideas levadas a cabo, uns chaveiros co logo do coro:

Dende o Club de Ciencia do noso centro estase a levar a cabo unha marabillosa iniciativa para nomear as nosas aulas de informática cos nomes de informáticas relevantes. O seu grupo de traballo de Impresión 3D está xa traballando nos primeiros deseños e o Espazo Maker, polo tanto, xa recibe as primeiras visitas para realizar diversos prototipos como o da seguinte fotografía: